Jose Ignacio Zudaire da Petronorreko kontseilari ordezkari berria

BILBO 27 Ene. (EUROPA PRESS) -

Petronorreko administrazio kontseiluak Jose Ignacio Zudaire konpainiako kontseilari ordezkari izendatu du astearte honetan, eta Jose Gregorio Luqueren kargua hartuko du horrela.

Fidengiak prentsa ohar bidez jakinarazi duenez, Zudaire Petronorreko kontseilaria eta kontseilari ordezkariaren albokoa izan da orain arte, eta ibilbide luzea egina du konpainian, 2013an sartu baitzen, Zabalgarbitik eta aurretik Eusko Jaurlaritzatik igaro ondoren. Egun, Hidrogenoaren Euskal Korridoreko eta Bilboko Merkataritza Ganberako presidentea da.

"Garrantzizko aurrerapenak" izan dituen Jose Gregorio Luque orain arteko kontseilari ordezkariaren zuzendaritza aldiaren ondoren, Petronorreko administrazio kontseiluak Luquek egindako lana eta lorpenak aitortu eta bere "ikuspegia, ahalegina eta konpromisoa" eskertu ditu.

Luqueren zuzendaritzapean, konpainiak eraldaketa prozesua hasi du enpresa eraginkorragoa eta lehiakorragoa bihurtzeko, aldaketa sakonak tarteko dituen egungo testuinguruan bere etorkizuna eraikitzeko lan egiteaz gain. Petronorrek "irmotasunez" aurrera egin du eraldaketarako ibilbide orri horretan, "eta orain beste bultzada bat ematea erabaki du ezarritako bidean aurrera egiteko".

Errelebo honekin batera, Repsolen ibilbide luzea egina duen Julian de la Calle lantegiko zuzendari izendatuko da. Otsailetik aurrera hasiko da ordezkatze prozesua, eta martxoaren 30ean amaitu, egun horretan gauzatuko baitira aldaketa horiek guztiak.