'Narrazioak eta olerkiak 2019' liburua kaleratu dute BBK-k eta Euskaltzaindiak

BILBO 9 Ene. (EUROPA PRESS) -

Kalean da jada 'Narrazioak eta olerkiak 2019' liburua. BBK-k eta Euskaltzaindiak deitutako 2019ko Resurreccion Maria Azkue sarietan irabazle izandako lanak biltzen dira argitalpenean. 2020ko irailean izan zen sari ematea, eta guztira 568 lan aurkeztu ziren, Euskaltzaindiak jakinarazi duenez.

1991tik Euskaltzaindiak eta BBK-k antolatzen dituzten Resurreccion Maria Azkue sarien xedea da idazle gazteak literatura mundura erakartzea.
Lan berria Elkar liburudendatan eros daiteke, bai eta Euskaltzaindiaren webgunean ere.

Ekain Errazu, Oihan Olasolo, Nora Aiertza, Oihane Maritxalar, Unai Oruesagasti, Aiora Sebastian, Saioa Gartzia, Amaiur Puente, Jare Sanzo, Iñigo Martínez, Idoia Zabalo, Jon Kortaberria eta Eider Burugain dira liburuaren agertzen diren idazleak.

Resurreccion Maria Azkue saria, berez, 1975ean sortu zuen Bilbao Aurrezki Kutxak eleberri, olerki eta saio modalitateekin, eta 1990 arte iraun zuen. Urte haietan, ez zen gaztetxoentzako saria, helduentzakoa baizik, eta gaur egun oso ezagunak diren hainbat idazle eta ikertzailek jaso zuten saria.

Beste horrenbeste gertatu da 1991etik aurrera antolatutako sariekin ere; egun ezagunak diren Alaine Agirre, Arkaitz Estiballes, Nagore Amondarain, Irati Goikoetxea, Maialen Zubeldia, Nerea Ibarzabal, Uxue Alberdi edo Urtzi Urrutikoetxea idazle, bertsolari eta kazetariek eskuratu izan dute saria.