Neomak, Kaotiko, Les Testarudes eta Latzen izango dira Galdakaoko Santakurtzetako kontzertuetan, herritarrek aukeratuta

BILBO 25 Abr. (EUROPA PRESS) -

Neomak, Kaotiko, Les Testarudes eta Latzen taldeek joko dute 2026ko Galdakaoko (Bizkaia) Santakurtzeta jaietako kontzertuetan, herritarrek parte hartze prozesuan zehar aukeratu ondoren. Emanaldiak irailaren 11, 12, 18 eta 19an izango dira, Ardantza parkean.

Galdakaoko Udaletik jakinartazi dutenez, taldeak hautatzeko prozesuak herritarren parte hartzea, Jai Batzordearen lana eta Udal Kultura arloaren jarduna uztartu ditu, eta galdakoztarren gustuetara egokitutako eta askotariko musika eskaintza osatzeko tresna egonkor gisa sendotuta dago jada.

Aurtengo edizioan, gainera, zenbait doikuntza egin dira prozedura arinagoa eta eraginkorragoa izan dadin, eta aurkeztutako aukerak bideragarri izatea eta orekatuta egotea bermatu da.

Azken urteetako bideari jarraituta, Santakurtzetan zein talde edo artistak arituko diren erabakitzeko duen izaera parte hartzailea mantendu da aurten ere. Guztira, 785 boto jaso dira: 483 herritarren parte hartze plataformaren bidez eta 302 herriko hainbat puntutan jarritako hautestontzietan. Irailaren 11ko kontzertua, bestalde, Jai Batzordeak erabaki du, elkarte eta kuadrillen arteko barne bozketa prozesuaren bidez.

Modu honetan, irailaren 11ean Neomak taldea izango da Ardantza parkeko agertokian, 12an Kaotiko, 18an Les Testarudes eta 19an Latzen.