GASTEIZ 24 Nov. (EUROPA PRESS) -
Nuria Ruiz Cabestany zuzendari donostiarrak 'Toda la vida del mundo' bere film dokumentalaren proiekzioa aurkeztuko du ostegun honetan, azaroaren 24an, Gasteizko Artium Euskal Herriko Arte Garaikidearen Museoko emanaldi aretoan, Euskadiko Filmategiak antolatutako 'Euskal Emakume Zinemagileak' zikloaren barruan.
Etiopiara joango den Angek Olaran euskal misiolariaren eta bere alabari etorkizun hobea eskaintzeko Euskal Herrira etorriko den Helen Nigusse gazte etiopiarraren bizitza paraleloak biltzen ditu pelikulak. Oaranek 500 umezurtz baino gehiago ditu bere ardurapean Wurko hirian, Etiopian, eta Nigussek, aldiz, bere alabari lehen munduan jaiotzeko aukera eman dio.
Artiumetik jakinarazi dutenez, emanaldia 19:00etan hasiko da eta zuzendariak egingo du proiekzioaren sarrera. Ondoren, Ruiz Cabestanyk eztabaida batean parte hartuko du bertaratutako ikusleekin.
Euskadiko Filmategiaren 'Euskal Emakume Zinemagileak' zikloak euskal emakume zuzendarien lanak eta talentua nabarmendu nahi ditu. Datorren astean Maru Soloresen 'Aztarnak' proiektatuko da, abenduaren 1ean.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
