BILBO, 26 (EUROPA PRESS)
Bilboko Udalak antolatzen duen Fant zinemaldi fantastikoak ostegunean amaituko du PreFant zikloa, apirilaren 29an, Hideo Nakata japoniarraren 'The Ring' (1998) filmaren emanaldi berezi batekin. Pelikulak protagonismo berezia du Fant jaialdiaren 27. edizioan, zinemaldiko kartelean omenaldia egin baitzaio.
Proiekzioa 19:00etan izango da, Golem-Alhondia zinema aretoan, eta sarrera doakoa izango da gonbidapenarekin (gehienez bi sarrera pertsonako). Emanaldiaren egun berean jaso ahal izango dira gonbidapenak, 16:00etatik aurrera, zinema aretoko txarteldegian.
'The Ring' filmaren emanaldi bereziarekin bukatuko du Fant zinemaldiak "aperitibo gisa" balio izan duen PreFant zikloa. Jaialdiaren 27. aldiz maiatzaren 7an hasiko da eta hilaren 16ra arte iraungo du.
Filmaren argudioari dagokionez, Japoniako herri txiki eta lasai bateko ikasleen artean legenda bat dabil bideo madarikatu batzuren inguruan: bideo horiek heriotza eragiten dute. Bere iloba Tomoko hil ondoren, Reiko kazetariak bideo horien jatorria ikertuko du.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
