SANTIAGO DE COMPOSTELA, 18 Abr. (EUROPA PRESS) -

A empresa galega Cruz Castro Renovables aplicou un seguidor de enerxía solar de alta capacidade en A Gudiña (Ourense) que permite un mellor aproveitamento fotovoltaico.

En declaracións a Europa Press, o membro da compañía Carmelo Cruz resaltou que estes seguidores se basean nun "autómata" que permite mover os paneis. Así, conta cun dobre eixe que permite desprazar ás pantallas solares de forma horizontal con motores eléctricos, así como en vertical a través de cilindros hidráulicos.

Como novidade, este seguidor ten unha grande capacidade fotovoltaica de ata 50 vatios, que "no mercado practicamente non existe", resaltou Cruz. A diferencia doutros produtos similares, necesita "moito menos espazo que outros sistemas para abranguer máis enerxía, resaltou e engadiu que "o sistema está baseado no aforro de espazo para conseguir a máxima potencia".

O dispositivo mecánico deseñado por esta empresa, con sede no Parque Tecnolóxico de Galicia (Tecnópole), é capaz de orientar os paneis solares de forma que estes permanezan próximos á perpendicular dos raios solares.

Nesta liña, o autómata fai que funcione a estrutura que se guía en función dun calendario solar e polos raios de sol para xerar enerxía.

SEN CONVENIO

Ademais, esta empresa de produción e distribución de enerxía eléctrica realizou este traballo sen ningún convenio polo que aínda non puido comercializalo a unha escala maior, xa que de momento "non ten quen lles proporcione apoio", admitiu Cruz.

Deste xeito, o proxecto, que se desenvolveu nos último dous anos, instalouse con "éxito" nos campos ourensanos de A Gudiña. No seu deseño participaron dúas persoas da empresa, antes da posterior elaboración en taller.