Actualizado 15/05/2007 21:41 CET

O Oceanográfico de Vigo pon en marcha unha campaña de intercambio do coñecemento científico coa sociedade

VIGO, 15 May. (EUROPA PRESS) -

O Centro Oceanográfico de Vigo do Instituto Español de Oceanografía presentou hoxe a súa campaña de divulgación científica ''Cinco Océanos, Cinco Sentidos', unha iniciativa para sensibilizar a sociedade da importancia da ciencia e na que "o intercambio de coñecemento é o eixe principal", segundo explicou o director do centro, Alberto González.

Esta iniciativa, presentada a bordo do buque oceanográfico 'Cornide Saavedra', pretende que a xente coñeza de primeira man o Centro Oceanográfico de Vigo. Para iso, porán en marcha actividades como visitas de colexios, concursos, expedicións científicas ou xornadas de portas abertas para fomentar a presenza da ciencia na sociedade e viceversa.

'Cinco Océanos, Cinco Sentidos' enmárcase dentro do Ano da Ciencia 2007, unha iniciativa do Ministerio de Educación e Ciencia, que coincide co 90 Aniversario do Centro Oceanográfico vigués. A campaña comprende diversas actividades, que serán desenvolvidas ao longo de 2007, onde a ciencia será a protagonista.

PREMIOS

Unha das actividades programadas será un concurso de debuxo escolar, que premiará os gañadores cunha expedición a bordo do buque oceanográfico 'José María Navaz', e participará coa tripulación nos traballos habituais do Instituto Oceanográfico na Ría de Vigo.

Ademais, o centro vigués tamén convocou o premio 'Centro Oceanográfico de Vigo 2007' dirixido aos alumnos matriculados no último curso das licenciaturas de Ciencias do Mar e Bioloxía da Universidade de Vigo. O gañador do premio fin de carreira poderá participar nunha campaña de investigación sobre avistamento de cetáceos de 15 días de duración, a bordo do buque oceanográfico 'Cornide de Saavedra', participando activamente nos labores de investigación.

O Centro Oceanográfico de Vigo, fundado en 1917, é un dos oito centros oceanográficos do Instituto Español de Oceanografía (IEO) en España. Situado en Cabo Estai-Canido, o Centro dedícase fundamentalmente á investigación mariña e organízase nas áreas de pesqueiras, acuicultura e medio mariño e protección ambiental. Conta con 154 traballadores, dos cales 55 son investigadores, 76 son persoal de apoio á investigación e 23 de tripulación dos seus dous barcos de investigación.

Lo más leído

  1. 1

    Madrid prohíbe reuniones en casas y adelanta el toque de queda a las 22h con hostelería cerrada una hora antes

  2. 2

    El Gobierno prohíbe echar a 'okupas' si la entrada en la vivienda se produce sin "intimidación o violencia"

  3. 3

    La génesis de un rayo azul, observada desde la Estación Espacial

  4. 4

    Bruja Escarlata y Visión (Wandavision): ¿Quién es Geraldine y cuál es su conexión con SWORD?

  5. 5

    El Gobierno prohíbe expulsar a 'okupas' si la entrada en la vivienda se produce sin "intimidación o violencia"