SANTIAGO DE COMPOSTELA 10 Ago. (EUROPA PRESS) -

Investigadores do Instituto de Investigacións Tecnolóxicas de la Universidad de Santiago de Compostela (USC) deseñaron unha ferramenta informática que "normaliza" e "axiliza" o acceso a datos de sensores xeográficos, co obxectivo de que os órganos de mando teñan facilidade para "tomar as decisións axeitadas".

Este sistema, no que se centrou o estudio 'Desenvolvemento dunha arquitectura baseada en xeoservizos de acceso a datos de sensores e a súa aplicación á protección civil en Galicia', poderá aplicarse na xestión de emerxencias no ámbito da protección civil en Galicia, e englobará dende "os clásicos sensores meteorolóxicos ata outros máis específicos" --atmosféricos--.

Segundo informou o Centro de Innovación e Transferencia de Tecnoloxía da USC nun comunicado, esta ferramenta permite "ordenar, interpretar e almacenar correctamente" os datos obtidos polos sensores e está baseada nunha especificación da organización Open Geospatial Consortium (OGC), líder en desenvolvemento de estándares para servizos geoespaciales e de localización.

Este sistema, tal e como explicou o coordinador do proxecto, José Varela Pet, facilitará a xestión das emerxencias relacionadas con protección civil, xa que estas requiren de acceso a "información relevante en tempo real" e "no formato axeitado" para que as persoas ao cargo poidan tomar as "decisións apropiadas".

"Na actualidade acontece con frecuencia que a información xeográfica se atopa diseminada baixo o control de diversos organismos, polo que para unha axeitada toma de decisións é necesario contar con ferramentas normalizadas que faciliten o fluxo de información entre eles", explican.

A xeito de exemplo, os investigadores sinalaron que as chamadas que recibe o Servizo de Atención de Emerxencias 112 de Galicia se incrementan anualmente dende a súa posta en funcionamento hai case 20 anos. Segundo datos facilitados pola Xunta, en 2005 este servizo recibiu mais de dous millóns de comunicacións, un 75 por cento máis que en 1998.