As universidades públicas galegas teñen completos o 82% dos graos: só 35 contan con prazas libres

Archivo - Arquivo - Estudantes nos corredores da Universidade o día que comezan os exames das probas de acceso á universidade 2023 en Galicia, na facultade de Ciencias da Comunicación da Universidade de Santiago de Compostela, a 6 de xuño d
Álvaro Ballesteros - Europa Press - Archivo
Europa Press Galicia
Publicado: jueves, 24 julio 2025 16:18
Seguir en

   SANTIAGO DE COMPOSTELA, 24 Jul. (EUROPA PRESS) -

   As universidades públicas galegas teñen completos 159 dos 194 graos que ofertan --o 82%-- para o próximo curso, polo que xa só en 35 hai prazas libres tras o cuarto chamamento á matrícula realizada este xoves.

   De feito, este corte foi o primeiro no que xa puideron participar os estudantes que realizaron a Proba de Acceso á Universidade (PAU) extraordinaria de xullo, que evidentemente tiveron menos oferta dispoñible.

   Na chamada realizada este xoves pola Comisión Interuniversitaria de Galicia (CiUG), outras 23 titulacións quedaron pechadas: 13 na Universidade de Vigo (UVigo), 9 na da Coruña (UDC) e só una na de Santiago de Compostela (USC).

   Desta maneira, na USC só quedan prazas libres en 11 graos, xa que o 83,3% están completos. Na UDC hai dispoñibles nove, ao estar pechados o 83,6%. Mentres tanto, a UVigo ten completos o 79,5% e só hai oco en 15.

   Os estudantes convocados no cuarto chamamento terán de prazo deste venres 00.01 horas até as 23.59 do luns para formalizar a matrícula.

Últimas noticias sobre estos temas

Contenido patrocinado