(AV.) A Xunta promete baixar ata un 50% o gasto anual do Gaiás, que albergará un viveiro de empresas culturais

SANTIAGO DE COMPOSTELA 22 Jun. (EUROPA PRESS) -

O Plan Estratéxico da Cidade da Cultura 2012-2018 redefine os usos dos catro edificios xa construídos do complexo cultural deseñado por Peter Eisenman, de forma que o Arquivo de Galicia se transformará nun "centro de emprendimiento creativo" que funcionará como "viveiro" de empresas culturais. Ademais, a Xunta aposta polo financiamento "público-privada" e contempla recortar ata un 50 por cento o gasto anual da infraestrutura.

Anunciouno o conselleiro do ramo, Jesús Vázquez, no acto de presentación en sociedade do documento, aprobado este xoves polo Consello da Xunta, pero os detalles do cal non se coñecerán na súa totalidade ata o próximo martes, cando o responsable autonómico de Cultura comparecerá no Parlamento galego para debullar o seu contido.

As novidades avanzadas nesta xornada, ante medios de comunicación, autoridades e axentes do sector cultural galego, céntranse na redefinición de usos do complexo, que márcase o reto de que a "incubadora" que proxectan chegue a albergar a apertura de ata 70 empresas, así como o traslado á Cidade da Cultura da Axencia Galega de Industrias Culturais (Agadic).

Tamén considera, por vez primeira, a obtención de fondos europeos a xeito de máis recursos para a infraestrutura. Neste extremo incidiu a conselleira de Facenda, Elena Muñoz, tamén partidaria de converter o Gaiás nun espazo no que "colaboren os axentes públicos e privados". Non en van, entre os seus obxectivos "estratéxicos" está o de ser "un proxecto economicamente sostible e socialmente rendible".

(HABERÁ AMPLIACIÓN)