SANTIAGO DE COMPOSTELA 3 Ene. (EUROPA PRESS) -
O voceiro de Pesca do Grupo Parlamentario do BNG, Bieito Lobeira, rexistrou este luns diversas iniciativas no Parlamento de Galicia co obxectivo de coñecer as xestións do Goberno galego ante o secuestro do buque 'Veiga V', con dous tripulantes galegos abordo.
Nos textos, Lobeira pregunta pola funcionalidade da Operación Atalanta neste caso e as medidas postas en marcha para liberar os mariñeiros, en concreto, o capitán e contramestre do barco, orixinais, segundo indica o deputado, de Pontevedra e Muros.
Esta "grave" situación require a adopción de medidas "urxentes" que devolvan a liberdade a estes traballadores do mar e "garantir a defensa das vidas dos tripulantes secuestrados", subliña Bieito Lobeira.
Por último, nun comunicado, o parlamentario nacionalista incide en que "a día de hoxe son xa 44 buques apresados e 771 tripulantes, o que evidencia que as medidas anunciadas para erradicar as causas dos ataques piratas non están a ser efectivas".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
