Detectados 13 positivos por Covid en Marín en test de saliva efectuados en cribados

Cribado en Marín (Pontevedra).
ÁREA SANITARIA DE PONTEVEDRA Y O SALNÉS
Europa Press Galicia
Actualizado: lunes, 1 marzo 2021 15:30
Seguir en

   PONTEVEDRA, 1 Mar. (EUROPA PRESS) -

   Os cribados poboacionais con test de saliva realizados durante a semana pasada no municipio de Marín pola área Sanitaria de Pontevedra e O Salnés detectaron 13 positivos por Covid-19.

   Así o informou a área sanitaria pontevedresa, que explicou que este cribado voluntario tivo lugar nun punto específico habilitado no aparcadoiro da Escola Naval e o Porto marinense entre o pasado martes 23 de febreiro e o sábado 27.

   Esta iniciativa preventiva convocou a poboación de Marín de entre 30 e 65 anos de idade con tarxeta sanitaria activa nos centros de saúde deste municipio, colectivo que representa a 12.763 persoas.

   Segundo os datos facilitados pola área sanitaria, achegáronse a efectuar o cribado 8.538 cidadáns, cifra que representa un 67 por cento da convocatoria voluntaria.

   Tanto aos 13 positivos por Covid detectados nos cribados de Marín como a outros 53 casos aos que non se lles puido procesar a mostra --por volume insuficiente, por viscosidade excesiva ou por ser mostras sen rexistro-- váiselles a citar de novo para realizar unha PCR co fin de confirmar resultados.

Contenido patrocinado