SANTIAGO DE COMPOSTELA, 18 Jun. (EUROPA PRESS) -
A Garda Civil de Porto do Son detivo en dúas ocasións durante a pasada fin de semana a un home de 63 anos, veciño de Fisterra, como presunto autor de senllos delitos de roubo con forza no Centro de Saúde de Porto do Son e nunha vivenda deshabitada da localidade coruñesa.
Segundo trasladou o Instituto Armado, a primeira detención produciuse o sábado, cando unha patrulla sorprendeu ao individuo no interior do Centro de Saúde. Ao parecer accedera ao recinto tras romper o cristal dunha xanela. Foi detido xusto cando saía pola mesma abertura mentres levaba diversa medicación subtraída do interior do centro.
Menos de 24 horas despois, o domingo día 16, o mesmo home foi novamente interceptado pola patrulla da Garda Civil. Nesta ocasión, saía dunha vivenda deshabitada, cuxa moradora falecera facía 15 días. Para acceder ao inmoble, forzara a xanela lateral da casa e no momento da detención portaba un capazo con diversos aveños subtraídos da vivenda.
Agora, os axentes continúan coas investigacións para esclarecer calquera outra posible implicación do detido en feitos similares.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
