EQUIPO DE LA CANDIDATURA DE GONZALO FORMOSO
A CORUÑA, 30 Oct. (EUROPA PRESS) -
O candidato ás primarias do PSdeG Valentín González Formoso emitiu o seu voto na súa agrupación das Pontes, localidade na que é rexedor, e desde onde chamou á "participación masiva" no proceso interno activado na formación.
Formoso, tamén presidente da Deputación da Coruña, remarcou a mensaxe de que todos os socialistas participen de forma "masiva" no proceso de primarias, co fin de "servir de exemplo á cidadanía galega".
"Hoxe é un día francamente bonito para esa expresión democrática que só o PSOE pode gozar internamente, como son as primarias", sentenciou, antes de subliñar que é "o día no que o PSdeG ten que dar exemplo á cidadanía galega" de que os socialsitas están "implicados" nos procesos democráticos e saben "gozar" dos mesmos.
Para o candidato é "moi importante" que a militancia "teña a potestade de escoller os seus liderados" a través dunha ferramenta que sitúa ao PSOE --dixo-- "á vangarda na implantación dos procesos democráticos na vida política".
Pola tarde, González Formoso desprazarase até a sede galega do PSdeG, en Santiago, para realizar desde alí, a partir das 20,30 horas, un seguimento do proceso electoral e do reconto de votos.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
