Lois Patiño gaña o premio a mellor obra do Play-Doc con 'Costa da Morte'

PONTEVEDRA 6 Abr. (EUROPA PRESS) -

O xurado internacional da décima edición de Play-Doc FestivalInternacional de Documentais de Tui (Pontevedra) concedeu o premio desta edición --2.000 euros e trofeo-- a Lois Patiño pola súa obra 'Costa da Morte'.

O xurado --formado polos críticos e programadores Fernando Vílchez, Antonio Weinrichter e Jara Yáñez-- aludiu na lecturado palmarés á coidada estética da obra, así como ao valor do filme para a zona que retrata. Na súa argumentación, destacan a aposta de Patiño "por desenvolver unha proposta onde se xunta origor formal coa capacidade de presentar un retrato vivo dun lugar e dunha comunidade".

O vigués Lois Patiño é un habitual do certame, que xa mostrou en dúas ocasións anteriores os seus curtos paisaxísticos. Como elrecordou ao recoller o premio: "Levo vindo aquí cinco anos, ben como espectador ou coas miñas películas, e espero seguir facéndoo moitos máis".

Así, Lois Patiño agradeceu este galardón, que cualificou como "especial", debido ao vínculo emocional que ten co festival Play-Doc.

Esta obra de Lois Patiño recibiu varios premios en diversos festivais como o de mellor director emerxente que se levou no Festival de Locarno, mellor filme no Ficunam de México ou o galardón á Mejor Película de non ficción na sección Novas Ondas do Festival de Cinema Europeo de Sevilla (SEFF) 2013. "Deixei de contar", chanceou sobre o número de recoñecementos que tivo.

Lois Patiño (Vigo, 1983) compaxinou os seus estudios de psicoloxía na Universidade Complutense de Madrid cos de cinema na escola Tai. Continuou a súa formación de cinema na NYFA de New York e en Barcelona, onde realizou o Master de Documental de Creación na Universidade Pompeu Fabra.

Segundo informa a organización este domingo, esta é a cuarta edición consecutiva de Play-Doc na que se inclúe unha película de Galicia na competición internacional. E en tres ocasións --anteriormente 'Todos vos sodes capitáns' e 'Vikingland'-- gañou unha fita galega.

MENCIÓN ESPECIAL PARA OUTRO VIGUÉS

Pola súa banda, o tamén vigués Diego Romero recolleu unha mención especial, sen valor económico, por 'Stop the Pounding Heart'. O filme está dirixido polo italiano Roberto Minervini, e Romero éo seu director de fotografía.

Aínda que este recoñecemento non lles reportará diñeiro, ao xurado parecíalle importante destacar este filme "por sinalar un camiño propio de mestizaxe entre o real e a invención".

"Faime moita ilusión recibir este recoñecemento, máis aínda porque son veciño, de aí ao lado", dixo Diego Romero, que fotografou a obra de Minervini ao recoller o galardón.

'Stop the Pounding Heart', segue o día a día de Sara, unha adolescente que se cría nunha familia de granxeiros de Texas, moi tradicional. A película ficcionaliza ese ambiente real, traballando con actores non profesionais, que se interpretan a si mesmos.

CLAUSURA

Este domingo o Play-Doc clausúrase a décima edición dePlay-Doc co último filme da retrospectiva de Nicolás Pereda, 'Xuntos'; e coa reposición da película gañadora, 'Costa da Morte'.

Coa incorporación, por primeira vez na historia de Play-Doc dunha segunda sala, espera superar os 7.000 espectadores marca do pasado ano, cun público que a organización define como "heteroxéneo e fiel".