Pontón tras as protestas propalestinas na Volta: "Indignante que deteñan a quen alza a voz contra a barbarie"

A portavoz nacional de BNG, Ana Pontón.
BNG
Europa Press Galicia
Publicado: domingo, 7 septiembre 2025 19:02
Seguir en

   SANTIAGO DE COMPOSTELA, 7 Sep. (EUROPA PRESS) -

   A portavoz nacional do BNG, Ana Pontón, cualificou de "indignantes" as detencións durante as protestas propalestinas deste domingo durante o paso da Volta pola provincia de Lugo.

    "É indignante que se deteña a quen alza a voz conta a barbarie, todo o apoio aos detidos. Esiximos explicacións", publicou Pontón no seu perfil oficial da rede social 'X'.

    A continuación, mostrou o seu "orgullo" cara a un pobo que denuncia o "xenocidio de Palestina" e mostrou "todo o apoio" ás persoas que participaron nas protestas.

    "Non deterán nunca a nosa solidariedade, a defensa dos dereitos humanos. Palestina vencerá", recalou Pontón.

    Varias mobilizacións foron convocadas en municipios lucenses durante a xornada para protestar contra a participación dun equipo israelí (Israel Premier Tech) na competición deportiva.

Últimas noticias sobre estos temas

Contenido patrocinado