A CORUÑA, 18 Jul. (EUROPA PRESS) -
O Destacamento de Tráfico de Corcubión, pertencente ao Subsector de Tráfico da Garda Civil da Coruña, interceptou e sancionou a un ciclista apenas cinco despois de que arrincase a actual campaña especial de vixilancia e control de alcol e drogas, que terminará este domingo.
En concreto, o condutor multiplicaba por catro o límite permitido de alcol, fixado en 0,25 miligramos por litro (mg/l). Segundo o comunicado oficial, esta foi unha das intervencións "máis temperás e atípicas" da campaña.
Os feitos ocorreron na localidade da Ponte do Porto, pertencente ao concello coruñés de Camariñas, na madrugada do domingo ao luns, momento de inicio da campaña. Exactamente ás 00.05 horas, a patrulla en servizo deu o alto ao usuario dunha bicicleta que circulaba en solitario.
Segundo os axentes, tras observar "indicios evidentes" de que o ciclista se atopaba baixo os efectos do alcol, os axentes procederon a realizarlle as probas regulamentarias. O condutor, arroxou uns resultados en aire expirado que confirmaban unha "intoxicación severa". Na primeira deu 0,94 mg/l e, na segunda, 1,04 mg/l.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)