Un acordo entre a Orquesta Sinfónica de Galicia e os conservatorios abre vías de colaboración entre ambas entidades

Europa Press Galicia
Actualizado: martes, 11 julio 2006 19:32

SANTIAGO DE COMPOSTELA 11 Jul. (EUROPA PRESS) -

A conselleira de Educación e Ordenación Universitaria, Laura Sánchez Piñón, e o xerente da Orquesta Sinfónica de Galicia, Patryk Alfaya, reuníronse está mañá co fin de deseñar vías de colaboración entre os conservatorios e a propia Orquesta Sinfónica, que se concretarán en posteriores encontros.

Esta colaboración e intercambio permitirá que os músicos da Orquesta Sinfónica de Galicia poidan impartir clase de xeito puntual nos conservatorios públicos, e que os profesores destas escolas musicais participen nas actividades da Orquesta sinfónica.

Ademáis, os máis beneficiados son os alumnos dos conservatorios, que poderán enriquecer a súa formación con este intercambio coa Orquesta Sinfónica de Galicia. Ambas entidades valoraron este comezo de relacións, que esperan concretar canto antes.

Contenido patrocinado