Máis de 100 alumnos comezarán mañá as prácticas de criminoloxía nas aulas do CEXESGA, en A Estrada (Pontevedra)

SANTIAGO DE COMPOSTELA 21 Feb. (EUROPA PRESS) -

Arredor de 110 alumnos, moitos dos cales pertencen aos corpos e forzas de seguridade en Galicia, desenvolverán a partir de mañá o Prácticum de Criminoloxía, que terá lugar nas aulas e nos laboratorios do Centro de Estudos Xudiciais e Seguridade Pública de Galicia (CEXESGA), en A Estrada (Pontevedra). Este curso, que rematará o 7 de xuño, vai dirixido a aquelas persoas que están no terceiro curso do título propio de Diplomado en Ciencias Criminolóxicas e da Seguridade Pública da Universidade de Santiago de Compostela (USC), ou ben xa teñen feito esta diplomatura e queren adaptala ao novo plan de estudios.

As materias que conforman o Prácticum son Dactiloscopia, Inspección ocular de pegadas e indicios, Estudio e análises de documentos, e Introducción á balística operativa e identificativa. Os alumnos dividiranse en catro grupos que irán alternando o desenvolvemento destas materias nas aulas e nos laboratorios.

Esta actividade enmárcase dentro do convenio de colaboración docente asinado entre a Universidade de Santiago de Compostela (USC), a través do Instituto de Criminoloxía, e a Consellería de Presidencia, Administracións Públicas e Xustiza, a través do CEXESGA.