Morre unha muller de 38 anos nunha colisión entre un vehículo e un autobús no polígono de A Sionlla, en Santiago

Europa Press Galicia
Publicado: lunes, 7 marzo 2022 11:39
Seguir en

   SANTIAGO DE COMPOSTELA, 7 Mar. (EUROPA PRESS) -

   Unha muller de 38 anos, de iniciais B.M.L., perdeu a vida este luns despois de chocar frontalmente o vehículo que conducía contra un autobús escolar, que neses momentos non levaba pasaxeiros, no polígono de A Sionlla, en Santiago de Compostela.

   Segundo informou o 112 Galicia a Europa Press, un particular avisou ao servizo de emerxencias minutos despois das 10,00 horas. Nesa chamada alertou dun sinistro na estrada N-550, á altura de Finsa, en dirección A Coruña. Segundo manifestou o alertante, no interior do vehículo había unha persona inconsciente, que ademais se atopaba atrapada.

   De inmediato, por parte do Centro Integrado de Atención ás Emerxencias de Galicia avisaron aos servizos sanitarios, aos Bombeiros de Santiago, á Garda Civil e á Policía Local.

   Urxencias Sanitarias de Galicia-061 mobilizou ata o punto unha ambulancia de soporte vital avanzado, pero o seu persoal só puido confirmar o falecemento da muller, sinalaron a Europa Press fontes sanitarias. Ademais, o 061 informou de que no lugar tamén foi atendido un home, S.M.A., de 47 anos.

Contenido patrocinado