O Museo de Belas Artes da Coruña presentará o martes un libro sobre a obra do pintor galego Tino Grandío

A CORUÑA 21 Ene. (EUROPA PRESS) -

O Museo de Belas Artes da Coruña presentará o vindeiro martes, día 24, un libro sobre a obra de Tino Grandío. O acto se celebra coincidiendo coa mostra que se exhibe neste museo sobre este artista galego, baixo o título "Tino Grandío. Pintando coas brumas".

A publicación, editada pola Consellería de Cultura e Deporte, está escrita por Jorge Gómez Ipagarraguirre e recolle a semblanza dun dos pintores galegos máis singulares do século XX. Nas súas páxinas, presentase un artista de forte personalidade, cunha vocación creadora que o levou a utilizar tódolos recursos ao seu alcance.

Pola súa banda, a mostra, organizada polo Museo de Belas Artes e comisariada polos profesores de Historia da Arte da Universidade de Santiago José Manuel López e José Manuel Monterroso, supón unha ollada sobre a obra de Tino Grandío en relación coa arte e os artistas da súa época.

A través de 59 obras, na exposición realízase un percorrido polo mellor de Grandío (como retrasos e paisaxes) á vez que se pode comparar a súa temática e estilo con artistas como Luis Seoane, Laxeiro, Pesqueira, Xesús Corredoyra e Pancho Cossío, entre outros.

A exposición, dividida en catro seccións (saídas expresionistas e figuración lírica, abstracción fronte a figuración, a estética do gris e a luz como poética) permanecerá aberta ao público até o 29 de xaneiro.