SANTIAGO DE COMPOSTELA, 3 Ago. (EUROPA PRESS) -
O tres partidos da oposición en Galicia, En Marea, PSdeG e BNG, criticaron este xoves a reforma do mapa sanitario galego que impulsa a Xunta.
En senllas roldas de prensa, os deputados Eva Solla (En Marea), Julio Torrado (PSOE) e Montse Prado (Bloque) censuraron o momento en que o Goberno galego publicou o anteproxecto de lei no seu portal de transparencia, en pleno agosto.
Por unha banda, Solla vinculou a diminución das áreas sanitarias cos recortes e mostrouse favorable a recuperar as xerencias "como estaban antes".
Torrado considerou "covarde" nas formas o anteproxecto e interpretou que vai reducir "" a participación da sociedade na sanidade pública galega.
Para Prado, o novo mapa sanitario "consolida" a liña de recortes en sanidade levada a cabo polo Partido Popular (PP) "desde 2009" e afecta, entre outros, á calidade da Atención Primaria.
