A Real Filharmonía ofrecerá hoxe en Santiago un concerto benéfico para apoiar a Proxecto Home

Europa Press Galicia
Actualizado: viernes, 20 enero 2006 11:43

SANTIAGO DE COMPOSTELA 20 Ene. (EUROPA PRESS) -

A Real Filharmonía de Galicia ofrecerá hoxe, ás 21.00 horas, en Santiago de Compostela un concerto benéfico para apoiar a Proxecto Home. Asemade, esta actuación enmárcase nos actos de conmemoración do décimo aniversario da orquestra de cámara compostelá.

O recital quere ser un recoñecemento á importante labor que Proxecto Home leva realizando durante tres décadas, polo que o importe íntegro da recaudación será destinado a esta entidade para que poida seguir apoiando a rehabilitación de persoas con drogodependencias.

As entradas pódense adquirir na sé de Proxecto Home e no Auditorio de Galicia. Haberá unha fila cero para as persoas que queiran colaborar aínda que non poidan asistir.

Nesta ocasión a orquestra auspiciada polo Consorcio de Santiago estará dirixida por Maximino Zumalave e, asemade, tamén actuará como violinista solista Nikolay Velikov.

A Real Filharmonía interpretará o Concerto para Violín número 3 en sol maior, KV 216 de Wolfang Amadeus Mozart; el Schicksalslied, de Johannes Brahms, e Nänie, op. 82, do mesmo compositor.

Contenido patrocinado