Compromís presenta una enmienda pa que los PXE de 2018 incluyan una partida pa l'Academia de la Llingua

Academia de la Llingua
EUROPA PRESS - Archivo
Publicado 12/06/2018 17:12:38CET

El Gobiernu de Pedro Sánchez va tener que responder poles midíes de protección del asturianu que va entamar

UVIÉU, 12 Jun. (EUROPA PRESS) -

El partíu valencianu Compromís presentó una enmienda a los Presupuestos Xenerales del Estáu (PGE) del 2018 que busca que l'Academia de la Llingua Asturiana, al igual que'l restu d'instituciones llingüístiques del Estáu, reciba una partida de 200.000 euros de l'Alministración estatal.

Al traviés de nota de prensa, Compromís anunció que d'ente les más de 900 enmiendes que presentaron a los PXE, destaca una serie destinada a la collaboración de l'alministración central pa la financiación de delles academies o asociaciones que fomenten la normalización de les llingües cooficiales o reconocíes oficialmente, onde entraría l'asturianu.

Pa esi fin Compromís esixó destinar 200.000 euros a la Acadèmia Valenciana de la Llengua, l'Academia de la Llingua Asturiana, o 10.000 euros a l'asociación Órganu de Siguimientu y Coordinación del Estremeñu y la so Cultura OSCEC.

ENTRUGUES AL GOBIERNU

Per otru llau, Compromís dirixió yá diverses entrugues escrites al gobiernu nuevu de Pedro Sánchez pidiendo acciones pa la promoción, normalización y midíes positives pa les diverses llingües minorizadas, ente elles l'asturianu y l'aragonés.

"Defender la pluralidá cultural y llingüística d'España ye defender un Estáu nel que toos teamos representaos y cómodos", señaló'l senador valencianu Carles Mulet, que foi l'únicu políticu qu'usó l'asturianu nel Senáu.

Contador