SANTANDER 17 Jul. (EUROPA PRESS) -
El cadabre d'un osu pardu (Ursus arctos) foi topáu'l pasáu sábadu 14 nuna zona de monte del conceyu de Cillorigo de Llébana, informó güei la Conseyería de Mediu Rural, Pesca y Alimentación del Gobiernu de Cantabria. Aparentemente trátase d'un exemplar adultu y atopábase n'avanzáu estáu de descomposición.
Según esplicó la Conseyería, la Dirección Xeneral del Mediu Natural activó de momentu el protocolu d'actuación pa determinar les posibles causes de la so muerte y los técnicos auxiliares del Mediu Natural dieron en realizar el llevantamientu de los restos y a percanciar información na zona del afayu.
El cadabre foi treslladáu'l mesmu sábadu al Centru de Recuperación de Fauna Montesa de Villaescusa, dependiente de la Conseyería de Mediu Rural, onde se va realizar la necropsia de los restos. Coles mesmes, van unviase amueses p'analises toxicológicos y xenéticos a llaboratorios acreditaos.
La Fiscalía de Mediu Ambiente de Cantabria, que va ser la encargada de realizar la investigación pertinente, yá foi informada del afayu y de los procedimientos que se van a siguir de siguío.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
