OVIEDO, 26 Feb. (EUROPA PRESS) -
El festival Artístiques vuelve esti vienres cola esposición de les diez obres que les artistes plástiques crearon en vivo durante l'eventu del pasáu mes de payares. Toes tán rellacionaes cola filosofía del proyectu: muyer, mocedá, y diversidá cultural. Esta vez va facese na galería uveína Komono Gallery.
A lo llargo'l mes, van amosase les pieces sobre llenzu de les artistes María Ortiz, Luzia Pedregal, Iratxe Esteve, Juls, Inés Benito, Clara Nieto, Celia Pandiella, Dido Carrero y de la estudiante de la ESAPA (Escuela Superior d'Arte del Principáu d'Asturies) Raquel Mañana y de la Escuela d'Arte d'Uviéu Lucía Álvarez. Les obres van quedar a la venta por si dalguna persona quixera mercales.
P'abrir la esposición, Puru Remangu --impulsora d'Artístiques xunto a Ixuxú Cultura--, entama un actu d'inauguración nel que van tar presentes dalgunes de les artistes, va haber una sesión musical de la DJ La Junta Culata (alcuñu de Lidia Friera, que tamién participó nel festival dientro de la 1er Muestra d'Asturianada Electrónica), y bebida por cortesía de Pico Fino, Fuensanta y Santa Cerveza. L'actu ye'l vienres a les 19.00 y tien entrada llibre.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
