Ascel afirma que de los 31 llobos abatíos n'Asturies, 13 teníen menos d'un añu

   UVIÉU, 5 Mar. (EUROPA PRESS) -

   L'Asociación pal Caltenimientu y Estudiu del Llobu Ibéricu (Ascel) dixo esti xueves que de los 31 llobos abatíos nel Principáu d'Asturies nel últimu programa fueron 13 los que teníen menos d'un añu d'edá.

   Añedieron qu'ente los exemplares abatíos mientres el periodu de setiembre a payares, hai seis cachorros con menos de 5 meses d'edá y pesos inferiores a 18 kilogramos, inclusive un exemplar tenía cuatro meses de vida y pesaba 11,9 kilogramos nel momentu de la muerte. Del recién accesu a les necropsias, esplicaron que tán incluyíes inclúin dos femes preñaes y una parida.

   Ascel diz que'l Gobiernu dicía que tenía 45 grupos reproductores de llobos, 12 compartíos con otres Comunidaes Autónomes, y disponía d'una población alredor de 148-191 exemplares. Asina, el Gobiernu mataría ente un 23% y un 29% de la población comprometiendo seriamente la viabilidá d'esta especie protexida en toa España, apuntaron dende Ascel.

   "Matar cachorros con dientes de lleche, femes preñaes, o grupos enteros, nun tien nada de selectivu nin rastru de dignidá. Esta masacre del llobu n'Asturies compromete la viabilidá del conxuntu de la población ibérica, agora que se sentenció que se mataron ensin amparu llegal", llamentaron.

   Esta masacre del llobu n'Asturies compromete la viabilidá del conxuntu de la población ibérica, agora que se sentenció que se mataron ensin amparu llegal, conclúin dende l'asociación.