UVIÉU, 13 Mar. (EUROPA PRESS) -
L'asociación Asturies Antitaurina esixó esti vienres a los partíos progresistes del Principáu que cumplan cola so palabra y reformen la Llei d'Espectáculos pa prohibir l'asistencia de menores d'edá a les corríes de toros, tal que prometieron nel 2024 cuando aprobaron tomar en considerancia esta reforma.
Nesti sentíu la presidenta de l'asociación, Medea López, recuerda que dos años dempués, esti tema esta paralizáu y nun entienden el motivu.
"Dende Asturies Antitaurina aportunemos en delles ocasiones, ensin resultáu. Según nos informáron, el diputáu del PP Luis Venta ye'l que nun ta cumplendo col reglamentu de la Xunta y ta dilatando'l procesu", esplica Medea López, quien asegura que-y resulta dificil de creer que siendo estos trés partíos mayoría na Xunta la reforma nun saliera entá adelantre.
Dende l'Asociación reclamen que d'una vegada alloñen a los menores "de la violencia de la tauromaquia", tal qu'encamienta con insistencia Naciones Uníes a España y que dexen de ser cómpliz de PP, Vox y Foro.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
