Asturies perdió 182 autónomos nel mes d'agostu

UVIÉU, 2 de Setiembre (EUROPA PRESS)

Mientres el mes d'agostu del 2010, Asturies rexistró un total de 78.688 autónomos nel RETA, 182 menos que'l mes anterior, según los datos daos a conocer güei pol Ministeriu de Trabayu y Inmigración.

El Presidente de la Confederación Nacional d'Autónomos (CONAE), Salvador García Torrico, consideró "alarmantes" los datos del paru del mes d'agostu y destacó que no que se refier al colectivu autónomu, el mesmu sufre graves descensos en toles rexones, destacando Cataluña, que pierde 3.293; Madrid, que resta 2.477; Comunidad Valenciana, 2.012; y Andalucía, 1.618. L'únicu datu positivu ponlu Melilla, que suma siete autónomos. Les cifres negatives apaecen tamién en toles provincies, quitando Ávila (+35) y Zamora (+23).

N'agostu, siguiendo l'enclín habitual, los autónomos dedíquense mayoritariamente al comerciu (25%), a la construcción (13,89%), a la hostelería (10,5%). Agricultura, ganadería, caza, selvicultura y pesca rexistren un 9% ya industria manufacturera, el 7,6%.

"La comunidá asturiana pierde 182 autónomos nel mes d'agostu, esto ye, casi seis autónomos al día, rexistrando un total de 78.688", indicó Torrico, qu'añadió que "anque munchos piensen qu'estos datos negativos de xunetu y agostu débanse al periodu braniegu, lo cierto ye que nun dexen de ser alarmantes".

"L'empléu autónomu ye la base de la nuesa economía y si cai ésti, nun va ser posible la recuperación económica", acabó'l presidente.