UVIÉU, 27 Abr. (EUROPA PRESS) -
Asturies rexistró nes últimes 24 hores un total d'ocho finaos más por coronavirus. Asina, la cifra de finaos xube a los 261 persones dende l'empiezu de la crisis sanitaria.
El total acumuláu de casos confirmaos, según datos de la Conseyería de Salú consultaos por Europa Press, ta en 2.688, lo que supón una medría de 11 persones en comparanza colos positivos notificaos esti domingu.
Amás, el númberu de casos activos de coronavirus nel Principáu d'Asturies, con datos de les 21.00 hores d'esti 27 d'abril, menguó en 18 persones, hasta los 1.637 casos. El cómputu global d'altes xube n'Asturies a 780 dende l'empiezu de la crisis sanitaria, lo que supón 21 más que les qu'había esti domingu.
Los pacientes que son positivos en coronavirus y que tán na unidá de cuidaos intensivos (UCI) baxaron en dos casow esti llunes, hasta los 43, mentes que los ingresaos en planta baxaron en cinco persones hasta los 246.
Hasta l'actualidá procesáronse un total de 53.548 muestres pa determinación de la COVID-19, de les que 40.370 son per PCR y 13.178 per test d'anticuerpos.
