Atrasada hasta'l 30 de setiembre la demolición del Hotel Kaype

UVIÉU, 26 de Xunetu (EUROPA PRESS)

La Maxistrada titular del Xulgáu de lo Contencioso númberu 2 d'Uviéu estimó'l pidimientu de prorrogar hasta'l 30 de setiembre del 2016 l'empiezu de les obres de baltadera del Hotel Kaype, na playa de Barru, en Llanes.

Asina lo comunicaron fontes del Tribunal Superior de Xusticia, que ficieron públicu l'autu nel que s'estima'l recursu de reposición interpuestu contra la providencia de 5 de xunetu del 2016 nel únicu sen de prorrogar hasta'l 30 de setiembre del 2016 l'empiezu de les obres de demolición, ordenaes nel Autu de 2-3-2016 del Hotel Kaype de Llanes con cuenta de completar el proyectu de baltadera apurríu nos estremos esixíos pol Conceyu de Llanes".

El Xulgáu acepta asina'l pidimientu d'aplazar el derribu hasta que la Confederación Hidrográfica respuenda a la solicitú d'autorización pal tránsitu de camiones pela zona de protección de servidume de la Llaguna El Llagú. Dicha solicitú nun se formulara de forma espresa con anterioridá, sinón al interponer el recursu de reposición.

Dende'l TSXA esclárase, en tou casu, que "l'Autu nun supón la suspensión de la execución de la sentencia sinón l'aplazamientu del derribu pa garantizar que la mesma se realice garantizando la seguridá de los bienes y el dominiu públicu hidráulicu, y el llunes día 3 d'ochobre habrá de dase cuenta al Xulgáu del resultáu de dicha autorización".