Aucalsa instala nel Güerna'l sistema de cobru de peaxe ensin parada

UVIÉU, 31 de Xunetu (EUROPA PRESS)

La empresa Aucalsa, concesionaria de l'autopista A-66, va instalar nel Güerna (Campomanes-Llión) el sistema de cobru de peaxe ensin parada de magar mañana. L'aplicación de los descuentes establecíos nel citáu Real Decretu, aplicables a vehículos llixeros, va algamase esclusivamente utilizando dichu sistema de peaxe.

Gracies al mesmu, los usuarios nun necesiten parar nes cabines de peaxe, col consiguiente aforru de tiempu y comodidá y ye 'interoperable' col restu de les autopistes de peaxe d'España nes que ya tán furrulando.

Amás, nes próximes selmanes ta previstu l'entamu de les obres de la moficación del sistema de peaxe d'Aucalsa.

Esti proyeutu va permitir la supresión del área troncal de Campumanes y la creación d'otru área de peaxe llateral nel enllace de Villablino, de manera que los usuarios de percuerran el trayeutu completu (Campomanes-Llión) sólo van tener que realizar una parada nel peaxe de La Magdalena, si nun disponen del dispositivu.

En cuanto a cobros, los cuatro primeros pasos dientro d'un mesmu mes por cualquier barrera de peaxe van cobrase a la tarifa vixente en cada momentu. De magar el quintu pasu, esi y tolos posteriores dientro d'un mesmu mes, van tener un descuentu del 50%. Poro, nun ye necesario realizar percorríos completos pola autopista pa tener accesu a los descuentos.

L'importe correspondiente a los descuentes va abonase a mes vencíu na cuenta na que se tengan cargaos los pagos del soporte, nun solu apunte. Ésti ye'l sistema d'abonu habitual que se sigue n'otres autopistes d'España, nes qu'existe un programa de descuentu a usuarios habituales.