UVIÉU, 26 Mar. (EUROPA PRESS) -
El boletín oficial de l'Academia de la Llingua Asturiana, 'Lletres Asturianes', abandona la edición impresa dende'l númberu 122 --marzu 2020-- y va publicase namás n'edición electrónica.
Asina, a partir d'agora va ser de consulta abierta na plataforma
Reunido de la Universidá d'Uviéu y na páxina web de l'Academia y de la propia revista: www.lletresasturianes.com.
Según indiquen dende la institución al traviés de nota de prensa, esta midida busca adaptase a les tendencies editoriales de sustitución del formatu impresu pol mediu electrónicu.
"Llógrase asina una revista de munchu mayor algame y na que l'accesu llibre a los conteníos va ufiertar una disponibilidá total de consulta", afirmaron dende l'ALLA, que va xubir los conteníos del númberu nuevu de la revista a les plataformes citaes nos díes próximos.
