UVIÉU, 28 Feb. (EUROPA PRESS) -
El secretariu nacional d'Organización de Ciudadanos (Cs), Fran Hervías, mostróse esti miércoles n'Uviéu optimista en relación al "músculu" y "motor" qu'axunta yá la so formación n'Asturies. Nuna rueda de prensa informó de que nel Principáu yá hai ocho agrupaciones, diez grupos locales y más de 3.200 inscritos de la formación naranxa. "Nun ponemos techu", dixo en relación a los compromisos electorales próximos.
Hervías comentó que'l númberu d'afiliaos Ciudadanos medró n'Asturies un 26 por cientu nos últimos seis meses. Enmárcase nel ascensu "imparable" n'España de la formación liderada por Albert Rivera.
Dixo que Ciudadanos ta axuntando a xente "con talentu" y "preparada" y que en 2019 aspira a ganar elecciones y ser decisivos. Actualmente la formación morada tien trés diputaos de los 45 escaños del parllamentu asturianu. Hervías esplicó qu'a día de güei les encuestes yá dan que tripliquen esi resultáu, pero cree qu'entá hai marxe pa la meyora, sobremanera teniendo en cuenta que tienen otra forma de facer política. Cree que la xente va valoralo. "Nun venimos con cálculos electorales nin chanchullos", apuntó.
A Hervías preguntáron-y pola posibilidá de que'l vicepresidente primeru acutal del Congresu y portavoz de Ciudadano Asturies, Nacho Prendes, sía'l candidatu a la presidencia del Principáu en 2019, Hervías remitióse a los procedimientos d'elección de los candidatos na so formación. "Tenemos el vezu de facer primaries, van decidir los afiliaos en 2019", respondió.
