El Congresu vuelve refugar la investidura de Feijóo: 172 frente a 177 en contra y ún nulu de Junts

MADRID, 29 Sep. (EUROPA PRESS) -

El Plenu del Congresu refugó esti vienres pela segunda vez la investidura del líder del PP, Alberto Núñez Feijóo, como presidente del Gobiernu. Nesta segunda votación sumó los mesmos apoyos, 172, frente a 177 en contra y un votu nulu de Junts.

Como establez el Reglamentu de la Cámara, la votación foi pública y por llamamientu, lo que supón que cada diputáu se punxera de pie al nomalos pa proclamar el so votu a viva voz: sí, non o astención. A les sos señoríes llamáronlos por orde alfabéticu, a partir d'una lletra escoyida al azar: en concreto, la votación empezó col 'sí' de la diputada del PP María del Mar Sánchez Sierra.

Nesta segunda votación reproducióse'l mesmu resultáu. Alberto Núñez Feijóo sumó 172 votos del PP (137 diputaos), Vox (33), Coalición Canaria (1) y UPN (1), énte los 178 'noes' que sumaron PSOE (121), Sumar (31), ERC (7), Junts (6) Bildu (6), PNV (5) y BNG (1). El votu del independentista Eduard Pujol (Junts), que dixo sí y depués non, consideróse nulu.

Confirmáu'l refugu de la candidatura del líder del PP, la presidenta del Congresu, la socialista Francina Armengol, va dir al Palaciu de la Zarzuela pa informar al xefe del Estáu del resultáu y lo previsible ye que'l Rei convoque una ronda de consultes nueva la selmana viniente pa proponer otru candidatu, que previsiblemente va ser el segundu más votáu'l 23X, Pedro Sánchez, cabeza de llista del PSOE.