UVIÉU, 10 Nov. (EUROPA PRESS) -
Crónicas d'Asturies retoma les sos publicaciones selmanales cola convocatoria del so certamen anual de microrrellatos n'asturianu, que llega a la cuarta edición. El premiu d'esti añu va ser un llote de llibros n'asturianu valoráu en 300 euros. Los participantes puen enviar los sos trabayos hasta'l sábadu 6 d'avientu a les 23:59 hores.
El premiu va entregase'l próximu sábadu 13 d'avientu a les 17.00 hores nel Conseyu de la Mocedá del Principáu d'Asturies, n'Uviéu. Los mricrorellatos tienen que mandase al corréu oficial del canal, cronicasdeasturies@gmail.
Cada concursante podrá presentar un únicu microrrellatu, que tendrá que tar ambientáu en Asturies y redactáu n'asturianu normalizáu pola Academia de la Llingua Asturiana (ALLA) o en cualesquier de les sos variedaes (oriental, central y occidental). Los testos han de ser orixinales, inéditos, nun tar premiaos n'otru concursu lliterariu y con una extensión máxima de 500 pallabres.
El xuráu va tar compuestu por tres llicenciaos en llingua y lliteratura asturiana, y el so fallu será inapelable. Los participantes deberán mandar el so microrrellatu en formatu PDF y cubrir el cuestionariu d'inscripción disponible nel corréu.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
