UVIÉU, 6 Jun. (EUROPA PRESS) -
El concursu escolar Al Son del Cantar remató cola edición del CD 'Al son del cantar vol II' per parte de la Conseyería de Cultura, Política Llingüística y Deporte. Esti certame, basáu nun proyectu d'innovación educativa, ta empobináu al alumnáu de llingua asturiana y eonaviego del últimu ciclu de Primaria y de 1º y 2º de Secundaria.
Según informó'l Gobiernu asturianu al traviés d'una nota de prensa, la iniciativa musical ta entamada poles conseyeríes de Cultura y d'Educación, xuntu colos Servicios de Normalización Llingüística. Trátase d'una propuesta de trabayu interdisciplinar pa fomentar la creatividá musical y lliteraria ente l'alumnáu coles mires de xenerar obres nueves de calidá.
Los cantares ganadores nel cursu 2024-2025 escoyéronse ente les 37 que presentaron al concursu los centros educativos de Cangas, L.lena, Castrillón, Carreño, Gozón, Nava, Grau, Villaviciosa y Coaña. La organización contactó con profesionales de la música pa que reinterpretaran les temes infantiles col so estilu particular.
La resultancia ye un álbum de dolce cantares con soníos variaos que van dende'l pop indie al reggae, pasando pol rock y la música d'inspiración tradicional.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
