UVIÉU, 23 May. (EUROPA PRESS) -
Iniciativa pol Asturianu denunció qu'un home qu'acudió'l 30 de marzu a renovar el pasaporte a la Comisaría de Llangréu nun-y permitieron l'usu de la toponimia tradicional del so conceyu, que ye oficial dende 2005, por nun aparecer nel llistáu de la base de datos policial.
Sicasí, según denunció Iniciativa al traviés de nota de prensa, si foi posible rexistrar el topónimu 'Riañu'. Instáu polos trabayadores del serviciu, el ciudadanu rexistró una reclamación.
Na respuesta, la Comisaría informa de la imposibilidá de modificar los campos del formulariu y comprometióse a treslladar la reclamación a la División de Documentación pa tratar d'iguar el problema.
L'asociación reclamó al Ministeriu del Interior y a la Delegación de Gobiernu n'Asturies una actualización de les bases de datos "pa que nun se repitan más casos de discriminación como esti".
