Los deteníos na operación contra los Casuals FCB tán acusaos d'estorsionar a discoteques de Barcelona

BARCELONA, 4 de Febreru (EUROPA PRESS)

Los deteníos ayeri en Barcelona na operación contra los 'Casuals FCB', la estaya más violenta de los Boixos Nois, estorsionaben supuestamente a los xerentes y porteros de discoteques y los amenazaben de muerte p'algamar el control de los sos llocales, según informaron a Europa Press fontes cercanes al casu.

Ente la ventena de deteníos, la mayoría con antecedentes y algunos condenaos por otros delitos, figura'l dirixente d'esta estaya, Ricardo M., asina como'l presidente y xugador del club de fútbol de tercer rexonal, Bada Bing, Efrén S.S., condenáu a dos años y un mes por cometer una agresión racista a xugadores arxentinos del Rosario Central.

Tamién arrestaron a dellos dirixentes de los 'Casuals', como Antonio Torn Albarracín 'Antoñito', al qu'un xulgáu de Vic acusó de tar implicáu nun casu d'amenaces de muerte al presidente del FC Barcelona, Joan Laporta.

De la mesma manera, detúvose a Carlos Muñoz, conocíu como 'Carlitos, condenáu nel 2008 por matar a navayaes a un mozu a la salida d'una discotecta del barriu de Sants, en Barcelona.

Según la versión policial, esti grupu actuaba en discoteques de Barcelona, en zones como'l Port Olímpic y sales de la parte alta de la ciudá, asina como en poblaciones del área metropolitana, ente elles, Castelldefels y Gavà.

Supuestamente, yeren mui violentos y tán rellacionaos con casos d'agresiones, apuñalamientos y brutales palices.

Les detenciones d'ayeri fueron por tráficu de drogues y estorsión, nuna operación na que realizaron 15 rexistros en poblaciones, domicilios, aparcamientos y bares de Barcelona, L'Hospitalet, Sant Feliu de Llobregat, Castelldefels, Esparreguera y Sant Boi, y pel momentu, la policía autonómica nun quixo dar detalels del casu, que ta baxo secretu de sumariu.

Según fontes cercanes a la investigación, na operación alcontróse una prensa pa cocaína y otros utensilios pa tratar la droga, una pistola y delles armes blanques, ente otros oxetos, que güei tán analizando los investigadores.

El casu depende del Xulgáu d'Instrucción númberu 3 de Gavà y la operación ta desarrollándola la Unidá Central de Secuestros y Estorsiones de la Divisón d'Investigación Criminal (DIC).