UVIÉU, 30 Nov. (EUROPA PRESS) -
El Gobiernu asturianu abrió a información pública'l proyectu de decretu pol que s'establecen los niveles de competencia nel usu de la llingua asturiana, onde se recueyen cinco niveles adaptaos al Marcu Común Européu de Referencies de Llingües.
El decretu publicóse esti vienres nel BOPA y supón un pasu alantre importante nel procesu que ta faciendo la Conseyería d'Educación y Cultura pa poder acreitar el nivel d'asturianu de les persones adultes d'una manera oficial.
Estos niveles van ser el básicu A1, básicu A2, intermediu B1, intermediu B2 y avanzáu C1, que son los establecíos nel Marcu Común Européu de Referencia pa les Llingües. En caún va haber una prueba de certificación qu'acreite'l nivel de comprensión y espresión oral y escrita en llingua asturiana.
El decretu, qu'establez que van tener que ser profesores titulaos los encargaos d'examinar a los interesaos, tien un periodu pa presentar alegaciones de 20 díes.
