UVIÉU, 26 Oct. (EUROPA PRESS) -
Al expresidente del Gobiernu Felipe González preguntáron-y esti xueves n'Asturies pol pactu de gobiernu suscritu ente PSOE y Sumar. "Paezme una idea bona de cero a trés años", llimitóse primero a responder, cuando diba participar nun actu n'Avilés.
Los periodistes insistieron y volvieron depués a preguntar sobre qué quería dicir con esa afirmación, a lo que respondió que "la educación de cero a trés años ye lo más importante de tolo que consta nesi pactu, namás espero que faigan un estudiu de financiación".
Tamién-y preguntaron a González sobre les negociaciones col expresidente de la Generalitat Carles Puigdemont. Dixo que namás conoz la versión de Puigdemont y que-y paez "esbarriada, como él".
Añadió que'l catalán tuvo un "éxitu brutal" convocando a tolos participantes del Conseyu de la República y faciendo una consulta. "Participaron el 4% de tolos consultaos, que dicen que son 40.000 nel conseyu esi; y del 4% el 80 y picu por cientu nun quieren qu'apoye al gobiernu. Viéronlo, acaba de publicase", dixo.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
