UVIÉU 16 Ago. (EUROPA PRESS) -
La Feria Internacional de Muestres d'Asturies (Fidma) celebra esti sábadu 19 d'agostu'l II Día de la Llingua Asturiana con una docena d'actividaes. Iniciativa pol Asturianu, en collaboración cola Cámara de Comerciu de Xixón, entama esta xornada dedicada a la llingua asturiana dientro del eventu.
El programa d'actos va entamar a meudía cola recepción del presidente d'Iniciativa pol Asturianu, Iván Llera, a representantes del Gobiernu asturianu, instituciones, alcaldes y conceyales de tola comunidá.
Depués, va celebrase'l pregón popular a cargu de Xosé Manuel Fernández y el pregón reivindicativu a cargu de l'actriz Nerea Vázquez. L'actu va continuar con un homenaxe a la figura de Gaspar Melchor de Xovellanos, que cuenta con un bustu nel recinto ferial Luis Adaro.
Una visita al pabellón d'Iniciativa pol Asturianu, prebes de Cerveza Cotoya y de sidra, presentaciones de llibros, talleres de baille o una visita guiada al Muséu del Pueblu d'Asturies, ente otres, completen la programación de la xornada, onde tamién va a haber un repartu de materiales n'asturianu nel puestu de la Universidá d'Uviéu y de revistes n'asturianu nel de Conceyos con encantu.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
