La Fiesta del Pastor rinde homenaxe al pastoríu tradicional de los Picos d’Europa nos Llagos de Cuadonga

   UVIÉU, 25 Jul. (EUROPA PRESS) -

   Ún de los paraxes más conocíos d'Asturies, los Llagos de Cuadonga, acueyen esti vienres día 25 de xunetu la Fiesta del Pastor, un homenaxe dedicáu a los Pastores de Picos d'Europa.

   Esta fiesta celébrase siempre'l 25 de xunetu de cada añu, y empiecen con una misa campestre na Capiya del Bon Pastor. De siguío, axúntase'l Conseyu de Pastores, pa la repartida proporcionada de camperes y pa escoyer al Rexidor. Dempués deporte rural, artesanía, música de gaita, fiesta o gastronomía completen la xornada festiva.

   Los actos arrinquen a les 10.00 hores cola Misa Solemne na Capiya del Bon Pastor, qu'esti añu ufiertóla l'Abá de Cuadonga, David Cueto Rodríguez. El programa siguió cola Carrera pedestre xubida a la Porra de Enol, la Carrera de Caballos y el Concursu de Tiru de Cuerda.

   Yá a les 13.30 hores celebrose Conceyu Abiertu y la elección del Rexidor de Camperes na carpa central, redolada del Abelugu de Enol cola imposición de Bandes a la Pastorina y Dames y actu d'homenaxe al Pastor y Pastora del Monte de Cuadonga, Andrés Concha Blanco y Pastora Mariana Remis Sobrecueva. Dempués va tuvo llugar la comida popular y actuación músical de Mina Longo.

   Pa los accesos hubo servicios especiales: a les 9.15 hores un únicu autobús de xubida (gratuitu pa los vecinos de Cangues d'Onís) con parada nel Altu de Les Veleres. A les 18.00 hores otru únicu autobús de baxada (gratuitu pa los vecinos de Cangues d'Onís) con recoyida nel Altu de Les Veleres.