UVIÉU, 13 d'Abril (EUROPA PRESS)
El vicesecretariu d'Organización de Foru Asturies, Enrique Lanza, aseguró esti miércoles que la formación política liderada por Francisco Álvarez-Cascos, aplicando los criterios emanaos de la Comisión Directiva, refugó la candidatura de José Ángel Blanco como cabezaleru de llista en Noreña, presentada pola Comisión promotora local, "en base al so perfil profesional".
Lanza, nun comunicáu, caltién que Foru Asturies aplica les previsiones del so Códigu Éticu que vincula a tolos candidatos y, nel futuru, a tolos sos cargos representativos y de Gobiernu, que s'aplica por igual en toles circunscripciones.
Señala qu'existen actividaes privaes "bien respetables a títulu personal" pero qu'en Foru Asturies consideren que tienen que tar "claramente separaes del exerciciu de responsabilidaes públiques".
A lo último, Lanza señala qu'en Foru Asturies pretenden ser distintes nel so compromisu éticu colos asturianos, "que va más allá del obligáu cumplimientu de les normes llegales sobre incompatibilidaes nel exerciciu de los cargos, como se demostró nos casos de les candidatures municipales de Noreña y tamién de Villaviciosa".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
