MADRID, 7 de Xineru (EUROPA PRESS)
El funeral del que fuera líder de Motörhead, Lemmy Kilmister, va poder vese en tol mundu en directo esti sábadu 9 de xineru, pues va emitise en streaming al traviés de la canal oficial del grupu en YouTube.
Lemmy, fináu'l pasáu 28 d'avientu a los 70 años por culpa d'un cáncer terminal fulminante, va recibir l'últimu adiós de los sos familiares y amigos dende les dos de la tarde hasta les dos de la madrugada d'esti 9 de xineru.
El llugar escoyíu pa esti memorial va ser el Rainbow Bar & Grill, el llocal preferíu del líder de Motörhead, qu'inclusive vivía malpenes a un par de cais, en West Hollywood (Los Angeles, California). Amás, va haber un serviciu funerariu nel Forest Lawn Memorila Park de Hollywood pa los más íntimos.
"Onde quiera que teáis, por favor reunivos colos colegues Motörheadbangers y amigos. Díi al vuesu chigre favoritu, el vuesu club favoritu, aseguráivos de que tienen accesu a internet y xuntáivos con nós", diz el comunicáu oficial de Motörhead.
El testu añede: "O simplemente convidái a los vuesos compañeros y celebrar la vida de Lemmy en casa. Vamos facer una xunta mundial el sábadu pa celebrar la vida del nuesu queríu amigu y non sustituyible iconu".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
