'La Gioconda' yera l'amante de Leonardo Da Vinci

WIKIMEDIA

ROMA, 3 de Febreru (EUROPA PRESS)

El Comité Nacional pa la Valorización de Bienes histórico-culturales d'Italia descubrió que la semeya de La Gioconda ta inspirada nel amante de Leonardo Da Vinci, Gian Giacomo Caprotti, llamáu Il Salai.

Según les investigaciones del Comité, les lletres L.S escondíes nes neñines de la semeya seríen les iniciales de Il Salai y de la moza florentina Lisa Gherardini. La S, espliquen los espertos, refierse al amigu de Da Vinci mientres la L sería la inicial de Lisa Gherardini, la moza qu'inspiró a Da Vinci al entamu de la semeya, según informa'l diariu 'Corriere dello Sport'.

El Presidente del Comité, Silvano Vincetti, destacó que les investigaciones revelen que Leonardo Salai "tenía relaciones ambigues con Leonardo" y que la so cara tenía "traces femenines que puen vese n'otres obres del autor".

Per otra parte, Vincetti señaló que la presencia de los númberos 7 y 2 inscritos baxo l'arcu de la ponte que s'alcuentra al llau de La Gioconda nun pue ser "casual", dao que "evoca munchos significaos místicos de la tradición cabalística, hebraica y cristiana". Nes cábales, el númberu 72 refierse a Dios, mientres que pa los cristianos indica l'Apocalipsis de San Xuan, como señalaron n'avientu los espertos del Comité.

EL TESTAMENTU DE LEONARDO

La semeya de La Gioconda, esplicó'l Presidente, ye "el testamentu de Leonardo" que quiso "tresmitir el pensamientu de tola so vida nel cuadru". Por ello La Gioconda apaez "sonriendo sólo na so última versión".

Según un estudiu efectuáu en 1954 nel Muséu de Louvre, baxo l'actual espresión de La Gioconda, los espertos descubriríen otra espresión más murnia y que'l pintor correxiría.

La tesis según la que La Gioconda sería en parte la semeya de Il Salai alcuentra la so confirmación na comparanza de la semeya con otres pintures de Leonardo Da Vinci como 'L'ánxel encarnáu', 'La Monna Vanna' y 'San Juan Bautista', una de les últimes obres de Leonardo, que ye "sin duda" la semeya d'Il Salai.