Iniciativa pol Asturianu prepara un homenaxe a Xuan Bello na Feria de Muestres dientro del Día de la Llingua

   UVIÉU, 30 Jul. (EUROPA PRESS) -

   Iniciativa pol Asturianu mostró la so pena pol fallecimientu del escritor Xuan Bello, pa ellos una de las voces más significativas de la lliteratura asturiana contemporánea. La organización va entamar un actu d'homenaxe dientro del IV Día de la Llingua Asturiana na Feria de Muestres d'Asturies que va celebrase'l sábadu 16 d'agostu.

   Dende Iniciativa destaquen que Bello dedicó su vida a la lliteratura asturiana. Autor d'obres fundamentales como 'Hestoria universal de Paniceiros' axuntó na so narrativa una visión humana y señardosa sobre la memoria, la identidá y el paisaxe. La so obra foi tornada a diferentes idiomes.

   Foi tamién un incansable militante de la reivindicación de la oficialidá de la llingua asturiana, collaborando de siguío con Iniciativa pol Asturianu. Prueba d'ello foi la so disposición permanente a collaborar en toles actividaes pa defender la necesidá de llograr esta declaración pa la so llingua materna, tal y como espliquen.

   Nel añu 2018 participó nel I Seminariu 'Oficialidá, el camín constitucional de futuru pal asturianu' que la entidá entamó los díes 3 y marzu d'esi añu. L'autor presentó la ponencia 'La oficialidá y el desarrollu cultural d'Asturies' na qu'afalaba a la convivencia y nel respetu ente les llingües y la defensa de la oficialdá como un pilar democráticu. Xuan Bello recordó na esposición que 'Falar una llingua ye poseer una conocencia del mundu más o menos perfectible'.

   La organización de reivindicación llingüística va entamar un actu d'homenaxe dientro del IV Día de la Llingua Asturiana na Feria de Muestres d'Asturies que se va celebrar el sábadu 16 d'agostu. L'asociación va proponer una llectura a micrófonu abiertu de la obra 'Hestoria Universal de Paniceiros' pa espardir la so obra cimera faciendo partícipe a tola sociedá.

   Iniciativa pol Asturianu quier treslladar la so condolencia "a la so familia, a la so muyer Sonia, a les amistaes y a tola comunidá lliteraria que güei lloren la so perda". "La lliteratura pierde a un autor d'enorme sensibilidá; la llingua asturiana, a ún de los sos escritores y defensores", añaden.