UVIÉU, 19 d'Abril (EUROPA PRESS)
La responsable del programa electoral d'IU, Emilia Vázquez, afaló esti martes al Conseyeru de Salú y Servicios Sanitarios, Ramón Quirós, a dar esplicaciones sobre los motivos de la negativa que recibió una muyer lesbiana p'acceder a les técniques de reproducción humana asistida al traviés de la sanidá pública asturiana.
Asina se pronunció en rueda prensa mientres la presentación les propuestes en materia d'Igualdá de Xéneru y Derechos del colectivu de Lesbianes, Gais, Transexuales y Bisexuales (LGTB).
Vázquez preguntóse si se trata d'un cambiu de criterios de l'Alministración sanitaria y calificó de "grave" la denegación de los derechos de la muyer afectada.
"N'España hai una llei que permite casase y adoptar fíos ente miembros d'un mesmu sexu", recordó Vázquez. Baxo esta premisa, dixo que nun s'entiende esa torga a "la hora de concebir fíos de forma biolóxica".
Per otra parte, "negar el tratamientu porque nun ta determinada la esterilidá del varón, sería tornar a tiempos que nun son los actuales", indicó, al tiempu que se llamentó d'esta situación por presuponer "que va negase'l derechu a toa muyer que nun tenga una pareya masculina".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
