9 de abril de 2020
 
Actualizado 11/12/2015 13:58:23 +00:00 CET

José Ángel Gayol, Premiu Máximo Fuertes Acevedo d'Ensayu n'Asturianu

UVIÉU, 11 d'Avientu (EUROPA PRESS)

   José Ángel Gayol resultó ser el ganador de la XXI edición del Premiu Máximo Fuertes Acevedo d' Ensayu n'asturianu, que con una dotación de 3.000 euros concede la Conseyería d'Educación y Cultura del Principáu d'Asturies. A esti galardón podíen presentase obres de tema, xéneru y estructura llibres siempres que reunieren les característiques del xéneru ensayísticu na so amplitú.

   El director xeneral de Planificación Llingüística y Normalización, Fernando Padilla Palicio, presidió güei la reunión del xuráu, que tuvo tamién integráu polos escritores y investigadores Ramón d'Andrés Díaz, Damián Barreiro Maceiras, Elena de Lorenzo Álvarez, Marta Mori de Arriba y Luis Casteleiro Oliveros.

   Ente les obres presentaes, el xuráu decidió por mayoría conceder el Premiu al testu tituláu 'Vértigu. L'atracción del abismu na sociedá contemporánea', que se presentó col nomatu Emmanuel Bove, al destacar "el so planteamientu modernu, la so estructura novedosa y l'harmonización de narración y xéneru ensayísticu con un llinguaxe áxil", según destaca'l fallu.

   José Ángel Gayol (Mieres, 1977) ye llincenciáu en Derechu pola Universidá d'Uviéu y llicenciáu n'Antropoloxía Social y Cultural pola Uned. Escritor y críticu lliterariu, ye autor de la novela Argonautes (Ámbitu, Uviéu, 2007), la obra de teatru Ensin noticies del fin del mundu (ganadora del Premiu Asturies Xoven de Testos Teatrales 2010), mesmo qu'artículos y cuentos en prensa y antoloxíes. Ye amás una de les voces más importantes de la nueva poesía asturiana, y nesti ámbitu foi yá merecedor de los prestixosos premios Asturies Xoven de Poesía, Elvira Castañón, Fernán Coronas y Xuan M.ª Acebal.

Asturianu ofrecido por

Lo más leído

  1. 1

    La Junta iniciará el lunes 13 el "desconfinamiento progresivo" de su administración con altos cargos y eventuales

  2. 2

    Muere el padre de Fonsi Nieto días después de perder a su abuela materna

  3. 3

    ¿Cómo hacer levadura en polvo o polvo de hornear en casa?

  4. 4

    El Congreso descarta recortar retribuciones a los diputados por el parón del coronavirus

  5. 5

    ¿Cómo hacer masa madre?