L'Academia de la Llingua abre matrícula pa un nuevu cursu de B1-B2 d'asturianu

ALLA

   OVIEDO, 16 Ene. (EUROPA PRESS) -

   L'Academia de la Llingua anunció esti viernes un nuevu cursu en los niveles B1-B2 d'asturianu, que va facese a partir del 10 de febreru, y hasta'l 28 de mayu, siguiendo'l Marcu Común Européu de Referencia pa les Llingües (MCER).

   El cursu que se va celebrar nel llar social de l'Academia va tener una duración de 100 hores llectives. D'eses hores, 60 van ser presenciales los martes y los xueves de 17 a 19 hores y les otres 40 van ser d'autoestudiu per parte l'alumnáu.

   Nos conteníos del cursu, dividíos en seis asignatures, van trabayase conteníos gramaticales, léxicos, lliterarios y sociollingüísticos. Too ello dende un enfoque comunicativu, al traviés d'actividaes de comprensión y espresión oral y escrita, tal como se recueye nes metodoloxíes del MCER.

   L'accesu al cursu va tar condicionáu pola acreitación d'un nivel elemental d'asturianu (A2) al traviés de dalgún d'estos certificaos: prueba de conocencia de la llingua asturiana de l'ALLA; superación del cursu elemental o avanzáu de la UABRA (ALLA); certificáu oficial de llingua asturiana de nivel A2 o superior de la Conseyería d'Educación del Principáu d'Asturies.

    La matrícula va poder facese del 15 al 30 de xineru del 2026 na páxina web de la institución y el preciu, de 150 euros, inclúi materiales ya inscripción na Prueba final de nivel.